A nosa música e o baile tradicional galego, é unha forma preciosa de acompañar nas cerimonias máis importantes da vida dunha persoa. Dende vodas, bautizos e comunións, ata misas solemnes ou festas privadas.

Encántannos as foliadas, e temos posibilidade de actuacións do grupo completo ou de cuarteto.

As procesións rexen moitas das tradicións da nosa terra. Cada parroquia, cada barrio, ten a súa propia festa e case con seguridade o seu Santo ou Santa. Os Chaneiros acompañan na procesión dando solemnidade e completando coa música das nosas raíces un momento importante do ano para cada lugar.

Consulta dispoñibilidade.

Para levar a ledicia da música tradicional, encántanos participar en pasarrúas que van por cada recuncho de cada parroquia, pasar polos barrios das nosas vilas, ou polas casas da xente dun lugar.

É a mellor maneira de achegarnos aos demais, de convivir coa nosa música, coas gaitas e a percusión que alegran ao noso país.

Contamos cun amplo repertorio de cancións para cantar na misa. É fermoso escoitar as voces do noso coro nos momentos clave dunha cerimonia relixiosa.

Cancións en galego e acompañadas de guitarra e frauta ou requinta para dar solemnidade ás misas.

Consulta o repertorio de Os Chaneiros.

Cun repertorio propio e versións de cancións tradicionais e populares, ofrecemos concertos de diferente duración.

Para bailar muiñeiras ou xotas, rumbas ou pasodobres, para acompañar na festa ou nun acto institucional.

A nosa música é perfecta para estes momentos.

A nosa música reflicte a alma do pobo galego. Compartir a nosa paixón con músicos da nosa terra fainos medrar como grupo.

Gozamos coas colaboracións que xorden con quen comparte connosco o amor pola música tradicional galega.

Conta connosco, contamos convosco.